Efallai eich bod chi’n meddwl, beth alla i ei wneud gyda’r holl wybodaeth hon?

Dyma’r blociau adeiladu sydd eu hangen i greu sesiynau llwyddiannus. Ond, i ddatblygu ymhellach, un o’r pethau pwysicaf y gallwch chi ei wneud fel hyfforddwr yw dadansoddi eich gwendidau.

Emyr Phillips

Hyfforddwr Sgiliau Cyswllt a Sgrym y Scarlets

Mae angen i hyfforddwyr ddadansoddi’r adborth a nodi unrhyw wendidau. Gallai’r rhain fod o ganlyniad i ddiffyg sgiliau, gwybodaeth, profiad ac ati. Gallai’r diffygion fod oherwydd yr hyfforddwr, nid dim ond y cyfranogwr. Mae gan bawb wendidau, hyd yn oed yr hyfforddwyr proffesiynol gorau!

Beth ydych chi’n meddwl y gallai eich gwendidau fod ar hyn o bryd?

Gallai enghraifft o hyn fod:

Gwybodaeth am ‘sgiliau ymarfer’ mewn camp benodol.

Meddyliwch beth fyddai’n eich helpu gyda hyn.

Dyma rai enghreifftiau o bethau a allai helpu gyda’ch gwendidau:

• Cwblhau cwrs penodol yn y gamp, trwy sefydliad chwaraeon.
• Gweithio gyda hyfforddwyr profiadol yn y gamp honno.
• Arsylwi hyfforddwyr chwaraeon mewn maes penodol. Weithiau gelwir hyn yn ‘cysgodi’.

Efallai y gallech wneud hyn fel rhan o’ch profiad gwaith.